“ CHILL LAB 超正常研究室 - 情緒精靈大解說 ”
哈皮
哈皮最鐘意笑到見牙唔見眼，耳仔都豎起曬，嘻嘻哈哈係佢做精靈既宗旨。 扎扎跳，鐘意玩又鐘意笑。
不過有時開心到過左籠，橫衝直撞，撞到爆谷激嬲佢。
但係佢除左開心，仲心地善良，好鐘意幫人，佢話助人係快樂之本，
所以佢成日都咁開心，希望將開心同正能量帶給別人。
爆谷
爆谷人仔細細，但火氣好大! 而且重係Rock and Roll 嘅重度愛好者。
有咩唔順心就爆發，憤怒到頭髮都谷到一舊舊，面都發白。
但直接坦率係佢既優點，更富有正義感。如果有人蝦佢既朋友，
佢絕對唔會谷住谷住，一定會為正義而發出怒吼！
憂の助
憂の助鐘情藝術，喜愛文學，特別係傷痕文學。
成日傷春悲秋之餘，個樣愁過鬼見愁，愁到成日好似訓唔醒咁。
其實係佢日喊夜喊喊得多，喊到隻眼又黑又腫…
哈皮幫佢個尾巴變成自己的綠色，就係希望可以將自己嘅開心過D俾佢，
令佢每日都過得開開心心。
面青青
面青青作為「Chill Lab超正常研究室」嘅大隻仔。
你唔好睇佢大大隻隻，其實身大膽細，咩都驚一餐，驚到塊面都青鬼埋!
雖然佢體積大大舊，但卻習慣匿於別人身後。
其實…佢都好想改變，佢成日同自己講：
「呢個世界無咩好怕，怕…就輸一世! 總有一日我唔會再面.青.青!」